ऑनलाईन टीम / वॉशिंग्टन :
अमेरिकेत आतापर्यंत 3 कोटी 17 लाख 17 हजार 404 जणांना कोरोनाची बाधा झाली आहे. त्यामधील 5 लाख 73 हजार 856 रुग्णांचा मृत्यू झाला आहे. वर्ल्डोमीटर या संकेतस्थळाने ही आकडेवारी प्रसिद्ध केली आहे.
अमेरिकेत गुरुवारी 80 हजार 161 नवे कोरोना रुग्ण आढळले. तर 1009 जणांचा मृत्यू झाला. 3.17 कोटी कोरोना रूग्णांपैकी 2 कोटी 42 लाख 72 हजार 869 रुग्ण या आजारातून बरे झाले असून, अजूनही 68 लाख 70 हजार 679 ॲक्टिव्ह केसेस आहेत. त्यामधील 09 हजार 121 रुग्णांची प्रकृती चिंताजनक आहे.
कॅलिफोर्नियात सर्वाधिक बळी
कॅलिफोर्नियात कोरोनाबळींची संख्या सर्वाधिक आहे. येथे 36 लाख 90 हजार 538 रुग्ण आढळून आले असून, त्यामधील 60 हजार 121 रुग्णांचा मृत्यू झाला आहे.
